खुट्टिखोला सिचाइ संघर्ष समिती द्वारा लहानका मेयर चौधरीको पुत्ला दहन

तराई फिलिक्स सम्बादाता
माघ ११ गते शुक्रबार

लहान । खुट्टिखोला सिचाइ संघर्ष समिती द्वारा  लहान नगरपालिकाका
मेयर महेश चौधरीको पुत्ला दहन गरेका छन् ।

लहान स्थित शहिद चौकको चारै दिशाबाट दहन सहितको पुत्ला लिएर आन्दोलनकारी किसानहरु शहिद चौक केन्द्रित भएका थिए । पुत्ला दहन कार्यक्रम शान्तिपूर्ण भयो । आफुहरुको आन्दोलन शान्तिपूर्ण रहेको तर आफुहरुलाई तर्साउन खोजे रक्त पात हुने आन्दोलनका अगुवा अजय चौधरीले चेतावनी दिनु भयो । 

ऐतिहासिक खुटी नहरको अस्तित्व मासेर ढल बनाउन थालेपछि लहान नगरपालिकाका मेयर महेश चौधरीविरुद्धनारा जुलुस समेत गरेका छन् ।
 भोली बिशाल जन प्रदर्शन तथा एक घन्टा चकजाम गर्ने कार्यक्रम रहेको  किसान संघर्ष समितिले जनाएको छ । 

मेयर चौधरीको कदम बिरुद्ध किसानहरु बिहिबार  नगरपालिकाको मूल गेटमा आठ घन्टा धर्ना बसे । कार्यलय समय बिहान १० बजे देखि साझ पाँच बजे सम्म कठाङ्ग्रिदो चिसोको पर्बाह नगरी किसानहरु धर्नामा बसेका थिए । घर बाहिर समेत निस्कन नसक्ने शितलहरी चलिरहेका बेला  किसानहरु धर्नामा दिनभर बसे ।  
कार्तिक सात गते देखि नहर संरक्षणका लागि नगरपालिका बिरुद्ध किसानहरुले बिभिन्न चरणको आन्दोलन गर्दै आएका छन् । तर मेयर चौधरीले किसानहरुको माँग र अदालतको आदेश समेत लत्याएर भूमाफियसंगको मिलेमतामा नहर मास्न लागि परेकाले आन्दोलन गर्नु परेको आन्दोलनका अगुवा हेमन्त यादब बताउनु हुन्छ । 

उच्च अदालत राजबिराजले साबिक नहरको संरचना नबिग्रिने गरी ढल निकासको काम अगाडी बढाउन नगरपालिकाका नाममा आदेश जारी गरेको छ । तर मेयर चौधरी प्रशासनको आडमा जबरजस्ती नहरलाई ढल बनाउन लागेका कारण स्थानीय किसानबीच द्धन्द्ध बढेको छ । प्रशासनले लहान बजारभरी सयौको संख्यामा सुरक्षा कर्मि परिचालन गरेको छ । सडकमा पानीका फोहोरा हान्ने गाडी तैनाथ गरिएको छ ।
लहान बजारलाई प्रशासनले ब्यारेक जस्तोबनाएको संघर्ष  समिति सदस्य हेमन्त यादबले बताउनु भयो ।  
किसानहरुको धर्ना जुलुस, अन्तरकृया ,प्रदर्शन ,सार्बजनिक, सुनुवाई,  जस्ता सामान्य कार्य्रक्रममा समेत सयौको संख्यामा सुरक्षाकर्मी परिचालन गर्नु यसको उदारण भएको उहाँको भनाई छ । 
प्रशासनले तर्साउन खोजे आफुहरु पनि कडा प्रतिबाद गर्ने किसानले चेतावनी दिएका छन्  । 
किसानहरुले गत आईबार साँझ बिशाल मसाल जुलुस प्रदर्शन गरे । सोमबार शान्तिपुर्ण प्रदर्शन गर्दै नगरपालिका घेराउ गरे । नगरपालिका घेराउ गर्न पुगेका आन्दोलनकारी किसान र नगरपालिका भित्र सयौंको संख्यामा तैनाथ गरिएका सशस्त्र प्रहरी बीच मुलगेटमा ठेलाठेल भयो र आज लहानको मुल चौक आनेकी  शहिद चौकमा आन्दोलनकारी हरु द्वारा लहान नगरप्रमुखको पुतला दहन गरेयो र भोलि ११ बजे पशुपति आदर्मा.बि. बाट ठूलो मात्रामा शान्ति पुर्ण आन्दोन गर्ने किसानका अगुवाहरु बताए।