इलाका प्रहरी कार्यालय कृष्णनगरको प्रांगणमा दुर्गा मन्दिरको शिलान्यास
तराई फिलिक्स अजय मिश्र
कृष्णनगर, कपिलवस्तु ,मंसिर ३
कपिलवस्तु जिल्लाको कृष्णनगरमा रहेको इलाका प्रहरी कार्यालय कृष्णनगरको प्रांगणमा दुर्गा मन्दिरको आज शिलान्यास गरिएको छ।
इलाका प्रहरी कार्यालय कृष्णनगरका प्रहरी निरिक्षक सुरज खत्री तथा कृष्णनगर नगरपालिका वडा नं २ का वडाध्यक्ष कृष्ण कुमार गुप्ताले आज पूजा पाठ गरेर शिलान्यास गरेका हुन्।
प्रहरी कार्यालयमा दुर्गा मन्दिर हुनु पर्नेमा यस इप्रका मा नरहेकाले वडा कार्यालयको सहयोगमा दुर्गा मन्दिर निर्माण गर्न लागिएको इलाका प्रहरी कार्यालय कृष्णनगरका प्रमुख सुरज खत्रीले जानकारी दिए।
इलाका प्रहरी कार्यालय कृष्णनगरमा दुर्गा मन्दिर नरहेकाले आफूले दुर्गा मन्दिर निर्माणका लागि वडाको बजेट बाट दुई लाख पचास हजार रकम छुट्याइएको तथा अरु निर्माणमा लाग्ने अपुग रकम समेत वडा बाट छुट्याइने वडाध्यक्ष कृष्ण कुमार गुप्ताले जानकारी दिए।
शिलान्यास कार्यक्रममा उद्योग वाणिज्य संघ कृष्णनगरका अध्यक्ष राम कुमार गुप्ता, सशस्त्र प्रहरी नायब उपरीक्षक शैलेन्द्र न्यौपाने, वडा सदस्य राहुल मोदनवाल, रेनु शर्मा, तिर्था धरिकार, प्रहरी बरिष्ठ नायब निरिक्षक निलकण्ठ ढकाल, सेन्टजयूड्स बोर्डिंगका प्रधानाध्यापक धिरेन्द्र सिंह, भोला जयसवाल, राकेश जयसवाल, गौरव मणी त्रिपाठी लगायत समाजसेवी हरूको उपस्थित रहेको थियो।