लेखापाल उनकी श्रीमती र छोरीको मोटरसाइकल दुर्घटनामा परी घम्भिर घाइते ,थप उपचारका लागि हेलिकप्टर बाट काठमाण्डौ लगेको।

तराई फिलिक्स सम्बादाता
६ गते माघ आइतबार


लहान । पूर्व–पश्चिम महेन्द्र राजमार्ग अन्तर्गत लहान नगरपालिका–१२ भोटियाटोल चौक देखि करिब ५/७ सय मिटर पश्चिम वाटिका टुरिजमको अगाडी बोर्डिङ स्कुल बसले ठक्कर दिँदा मोटरसाइकलमा सवार तीनजना घाइते भएका छन् ।
पश्चिमबाट पूर्वतर्फ आइरहेको बा १८ प ८३२५ नम्बरको मोटरसाइकललाई विपरीत दिशाबाट आउँदै गरेको प्र २–०१–००१ प ७९ नम्बरको संकल्प विद्या आश्रमको बसले ठक्कर दिँदा उदयपुरको एकै परिवारका तीनजना घाइते भएका हुन् ।

जिल्ला ट्राफिक प्रहरी कार्यालय लहान सिरहाका प्रमुख प्रहरी उपरीक्षक पोषण राज थपलियाका अनुसार घाइते हुनेमा उदयपुरको त्रियुगा नगरपालिका–६ देउरीका ४० वर्षीय किरण थापा, उनकी श्रीमती २५ वर्षीया सुधा घिमिरे थापा र ११ वर्षीया छोरी शैलजा कुमारी थापा रहेका छन् ।
