सिरहामा लागूऔषध सहित २ जना मानिसलाई प्रहरीले पक्राउ गरेको छ।
तराई फिलिक्स सम्बादाता
१० माघ बिहीबार
लहान । जिल्ला सिरहा, सिरहा नगरपालिका वडा नं. १७ भन्सार गेट छेउ स्थितमा मिति २०८१।१०।०९ गते अ. १६:०० बजेको समयमा लागूऔषध नियन्त्रण ब्युरो जनकपुर र इलाका प्रहरी कार्यालय माडर सिरहाबाट खटिएको संयुक्त प्रहरी गस्ति टोलीले जयनगर(भारत)बाट माडरतर्फ आउदै गरेको प्रदेश ३-०३-००१ प ९८३६ नम्बरको मोटरसाईकल माथि शंका लागि चेकजाँच गर्दा मोटरसाईकल चालक जिल्ला सिरहा, गोलबजार नगरपालिका वडा नं.७ बस्ने अन्दाजी बर्ष २५ को हृदय सिंहले लगाएको पेन्टको गोजीमा लुकाई छिपाई राखेको अवस्थामा ब्राउन सुगर जस्तो देखिने पदार्थ प्लाष्टिक सहित तौल गर्दा ५ ग्राम २०० मिलिग्राम फेला परेकोले निज हृदय सिंह र सोही मोटरसाईकल पछाडी सवार जिल्ला सिरहा,गोलबजार नगरपालिका वडा नं. ८ बस्ने अन्दाजी बर्ष २२ को धर्मेन्द्र यादवलाई मोटरसाईकल सहित नियन्त्रणमा लिई उक्त लागूऔषध र मोटरसाईकल रीतपूर्वक बरामद गरी सम्मानित सिरहा जिल्ला अदालतबाट म्याद थप गरी थप अनुसन्धान कार्य भईरहेको जिप्रका सिरहाले जनाएको छ।