राज्श्व छलिको लाखौको समान सशस्त्र प्रहरी द्वारा बरामद ।
अजय मिश्र कपिलवस्तु, असोज ३ । कपिलवस्तु जिल्लाको कृष्णानगरस्थित सशस्त्र प्रहरी बल, प्रस्तावित गुल्म कृष्णानगरले विभिन्न स्थानमा छड्के चेकजाँच गर्दा लाखौं रुपैयाँ बराबरको राजस्व छलिको सामान बरामद गरेको छ।
सशस्त्र प्रहरीले कृष्णानगरको व्यारिएर चेकपोस्टमा चेकजाँच गर्ने क्रममा भारतबाट अवैध रूपमा भन्सार छलि गरी नेपालतर्फ ल्याउँदै गरेको लेडिज सुट, वान पिस, साडी, थान कपडा, पतका लगायतका करिब ६० हजार रुपैयाँ मूल्य बराबरका सामग्री बरामद गरेको हो।
त्यस्तै, शिवराज नगरपालिकाको उमरीमा गरिएको आकस्मिक चेकजाँचका क्रममा भारतबाट भन्सार छलि गरी ल्याउँदै गरेको अवस्थामा मोटरसाइकलमा राखिएको फलकी, चकलेटलगायतका करिब १ लाख ८ हजार रुपैयाँ मूल्य बराबरका सामग्री पनि बरामद गरिएको प्रहरीले जनाएको छ।
बरामद गरिएका सम्पूर्ण सामान आवश्यक कानुनी कारबाहीका लागि भन्सार कार्यालय कृष्णानगर पठाइएको सशस्त्र प्रहरी बल प्रस्तावित गुल्म कृष्णानगरका गुल्मपति, नायब उपरीक्षक तुला बहादुर चौधरीले जानकारी दिएका छन्।