लहान २० र २१ का लागि ब्रहमान गोर्छारी मा.वि.मा निःशुल्क आँखा जाँच शिविर सम्पन्न
लहान मंसिर १३ । लहान नगरपालिका–२० र २१ का बासिन्दालाई लक्षित गरी मावि ब्रहमान गोर्छारीको प्राङ्गणमा निःशुल्क आँखा जाँच शिविर सुरु भएको छ। शिविरको उद्घाटन लहान नगरपालिकाका मेयर महेश चौधरी र सगरमाथा चौधरी आँखा अस्पतालका अध्यक्ष रविन्द्रलाल चौधरीले संयुक्त रूपमा गर्नुभयो।
उद्घाटनका क्रममा मेयर चौधरीले शिविरमार्फत आँखा जाँच गराई समयमै समस्या पत्ता लगाउन सबै नागरिकलाई आग्रह गर्नुभयो। नगरपालिकाको आर्थिक सहयोग र सगरमाथा चौधरी आँखा अस्पतालको प्राविधिक सहयोगमा वडावडामा निरन्तर रूपमा शिविर सञ्चालन भइरहेको छ।
नगरपालिकाले उपलब्ध गराएको तथ्यांकअनुसार हालसम्म १७ हजार ३६४ जनाले आँखा जाँच गराइसकेका छन्। तीमध्ये ७ हजारभन्दा बढीलाई औषधि वितरण गरिएको छ भने ३ हजारभन्दा बढीले निःशुल्क चस्मा प्राप्त गरेका छन्। यस्तै, मोतिबिन्दुको शल्यक्रिया गराएकामध्ये हालसम्म १ हजार ९०५ जनाले निःशुल्क सेवा लिएको नगरपालिकाले जनाएको छ।
शिविरमा जाँचपछि थप उपचार आवश्यक पर्ने बिरामीलाई अस्पतालसम्म लैजाने र उपचारपछि घरसम्म पु¥याउने नगरपालिकाले व्यवस्था समेत गरिएको बताइएको छ।