लहान बिधा मन्दिर स्कुलले मनाए भव्यताका साथ “PARENTE DAY”
लहान १५ चैत्र । लहान, चैत १३ । लहान विद्या मन्दिर इङलिस बोर्डिङ स्कुलदले अभिभावक दिवस भव्य तथा उत्साहपूर्ण वातावरणमा मनाएका छन । अभिभावक दिवसको अवसरमा विद्यार्थीहरूले विविध सांस्कृतिक कार्यक्रमहरू प्रस्तुत गरेका थिए। नृत्य, गीत, नाटक तथा अन्य सिर्जनात्मक प्रस्तुतिहरूले उपस्थित दर्शकहरूलाई मन्त्रमुग्ध बनाएका थिए। कार्यक्रमले विद्यार्थीहरूको प्रतिभा उजागर गर्नुका साथै उनीहरूमा आत्मविश्वास अभिवृद्धि गर्न महत्वपूर्ण भूमिका खेलेको विद्यालय प्रशासनले जनाएको छ।
कार्यक्रमका प्रमुख अतिथि जितेन्द्र सिंह दनुवारले विद्यालयले विद्यार्थीको समग्र विकासमा खेलेको भूमिकाको प्रशंसा गर्दै यस्ता कार्यक्रमहरूले विद्यालय र अभिभावकबीचको सम्बन्धलाई अझ सुदृढ बनाउने बताए। उनले शिक्षालाई केवल पाठ्यपुस्तकमा सीमित नराखी व्यवहारिक र नैतिक पक्षमा समेत जोड दिनुपर्ने आवश्यकता औँल्याए।
कार्यक्रमको अर्को आकर्षणका रूपमा विशिष्ट अतिथिहरूलाई मायाको चिनो प्रदान गरिएको थियो। विद्यालय परिवारले अतिथिहरूलाई सम्मानस्वरूप मायाको चिनो प्रदान गर्दै उनीहरूको योगदानप्रति कृतज्ञता व्यक्त गरेको थियो। कार्यक्रममा सहभागी अभिभावकहरूले विद्यालयले आयोजना गरेको कार्यक्रमको प्रशंसा गर्दै यस्ता कार्यक्रमहरूले बालबालिकाको क्षमता पहिचान गर्न सहयोग पुग्ने बताएका थिए।
उनीहरूले विद्यालयको शैक्षिक वातावरण र अनुशासनप्रति सन्तुष्टि व्यक्त गरेका थिए। समग्रमा, लहान विद्या मन्दिर बोर्डिङ स्कुलको २४औँ अभिभावक दिवस कार्यक्रम सफलतापूर्वक सम्पन्न भएको विद्यालयले जनाएको छ। यस्तो कार्यक्रमले विद्यालय, अभिभावक र विद्यार्थीबीचको सम्बन्धलाई अझ मजबुत बनाउने विश्वास व्यक्त गरिएको छ।
कार्यक्रमको अध्यक्षता विद्यालयका संस्थापक अध्यक्ष शिला सिंहले गरेकी थिइन्। आफ्नो अध्यक्षीय
मन्तव्यमा उनले विद्यालय स्थापना कालदेखि हालसम्मको यात्राबारे चर्चा गर्दै विद्यालयलाई गुणस्तरीय शिक्षाको केन्द्रका रूपमा स्थापित गर्ने लक्ष्य रहेको बताइन्। साथै उनले अभिभावकहरूको निरन्तर सहयोग र विश्वासकै कारण विद्यालयले सफलता हासिल गर्दै आएको उल्लेख गरिन्।
कार्यक्रममा संस्थापक भ्वाइस प्रिन्सिपल लाल बिहारी यादव, सरोज यादव लगायत विशिष्ट अतिथिहरूको उपस्थिति रहेको थियो। उनीहरूले पनि आ–आफ्नो मन्तव्य राख्दै विद्यार्थीको उज्ज्वल भविष्य निर्माणमा विद्यालय र अभिभावकको सहकार्य अपरिहार्य रहेको धारणा व्यक्त गरे।