अवधी पत्रकार संघ कपिलवस्तु शाखाकै चौथा जिल्ला साधारण सभा भवा
कपिलवस्तु, माघ १०
अवधी पत्रकार संघ कपिलवस्तु शाखाकै चौथा जिल्ला साधारण सभा अध्यक्ष मनिष गुप्ताके अध्यक्षतामे सम्पन्न भवा।
कार्यक्रमकै प्रमुख अतिथि कृष्णानगर नगरपालिकाकै नगर प्रमुख रजत प्रताप शाह, विशिष्ट अतिथिमे पत्रकार महासंघ लुम्बिनी प्रदेश निवर्तमान अध्यक्ष वसन्त गिरी, पत्रकार महासंघ कपिलवस्तु शाखाकै अध्यक्ष डिलाराम भुषाल, नेपाल पत्रकार महासंघ कपिलवस्तु शाखाकै उपाध्यक्ष खग प्रसाद चापागाई, अवधी पत्रकार संघ नेपालकै केन्द्रीय उपाध्यक्ष शनी उल्ला धोबी, अवधी पत्रकार संघ नेपालकै केन्द्रीय सदस्य अंकुश श्रीवास्तव, अवधी पत्रकार संघ नेपाल कपिलवस्तु शाखाकै नि वर्तमान अध्यक्ष निरहु यादव लगायत रहे। कार्यक्रममे आवय लोगेनकै स्वागत जिल्ला उपाध्यक्ष अजय शाहनी करिन रहां।
कार्यक्रममे सालभरकै आम्दनी अव खर्च कोषाध्यक्ष हनुमान पाण्डेय प्रस्तुत करिन रहा।
कार्यक्रममे आपन विचार राखत प्रमुख अतिथि शाह जी बताइनकी कृष्णानगर नगरपालिका आज तक बहुत काम करिस अव मिडियाके साथी लोगके सलाह अनुसार हमसब सुझाव भि लैके समाज कल्याण हेतु काम करा जात है। नागरिक लोग आपन अधिकार खोजत ठीक बात होय लेकिन आपन कर्तव्य भि निर्वाह करेक पडा और शिक्षा क्षेत्रमे दरब़दी वितरणमे असमानता है जवनेसे तराईमे विद्यार्थी अनुपातमे शिक्षककै अनुपात कम है बताईन साथमे कार्यक्रम सफलताकै शुभकामना भि दिहिन।
कार्यक्रममे आवल अतिथि लोगेनके यादगार रख्खै खातिर उपहार भि दिहा गै रहां। कार्यक्रमकै संचालन जिल्ला सचिव वृजेश यादव करिन रहां।